Berria-ko berriak
Abenduak 15eko (asteazkena) Berria izan da aukeratu dudan egunkaria eta,
nahi gabe, paperezko edizioan duen portadak nire afizio gogokoenetako bat
dakar: Bizkaiko bertsolari txapelketa. Argazkian, finalean arituko diren zortzi
protagonisten aurpegia. Ordea, ez da berri berdina ageri egunkariaren online
edizioan; ez goizean eta ez arratsaldean ere. Zehazki, COVID ziurtagiriaaren
inguruko berria zen goizeko berri nagusia eta arratsaldean, berriz, Cabacas-auziaren
inguruko berria. Papereko berri nagusia askoz gehiago gustatu zait; ilusio
puntu bat islatzen du, behintzat.
Zientziaren inguruko berriak aztertzean, dibulgatzaile zientifiko bati
(Izortze Santin-i) egindako elkarrizketa aipatzen du paperezko edizioaren
portadak, baina online den edizioan ez da ageri berri nagusi gisa. Zehazki,
paperezko edizioan 3. orrialdean bertan azaltzen da elkarrizketa osoa,
koronabirusaren inguruko berriekin batera. “Harian” izena du elkarrizketa barne
hartzen duen atalak.
Azpimarratu beharra dago baina, online bertsioan berri nagusi gisa agertzen
ez den arren elkarrizketa (“Gizartea” atalean agertzen da), eguneko zortzi
albiste irakurrienen artean kokatzen dela; lehenengo postuan, gainera. Horren
atzetik dator “Haserrea” izeneko iritzi artikulua eta, jarraian,
Cabacas-auziaren inguruko albistea. Hurrengo albiste irakurriena Durangoko
azokaren ingurukoa da eta hurrena, aldiz, Onintza Enbeitaren iritzi artikulua.
6. eta 7. albisteek, euren aldetik, koronabirusa dute oinarri; Nafarroako
gobernuak emandako gomendioen eta Euskadin jarri berri den ziurtagiriaren
beharraren inguruko albisteak dira, hain zuzen ere. Azkenik, Iruñeko
aurrekontuen inguruko berria gailendu da 8. postuan.
Berriaren Instagram kontuan ere gaurko lehenengo argitalpena Bizkaiko
bertsolari txapelketaren inguruan izan da, baina albistea emateko modua guztiz
ezberdina izan da; gehiago jolastu dute hitzekin. Gainera, bertsolari
bakoitzaren argazkia ere partekatu dute, banan-banakoa. Haien arteko bakarkako
lehiaren erakusle-edo. Online edizioan nagusiki argitaratutako ziurtagiriaren
inguruko albistea ere partekatu dute Instagramen, baina eguneko istorio gisa
(eguneko lehenengo istorio gisa). Aipatzekoa da baina, Izortze Santin-i
egindako elkarrizketa ez dutela argitaratu; ez argitalpen moduan eta ez eguneko
istorio moduan ere. Gainera, marihuanaren inguruko albiste bat ere argitaratu
dute Instagramen, paperezko edizioko portadan aipatu ere egiten ez dutena. Hori
horrela izanik, paperezko edizioaren eta online edizioaren hartzaileak
ezberdinak izatearen ondorio dela esango nuke hori, interés ezberdinak
dituztenak, azken finean.
Harritu didana, ordea, zera izan da; hashtag bat ere ez dutela erabili sare
sozialean, behintzat, gaurko albisteak argitaratzean. Hala ere, istorioetan
jarritako albisteek link zuzena zuten online edizioko egunkarira. Modu erraza
gero irakurleak erakartzeko; klik bat soilik ez.
Ikusi bezala, ez da informazio berbera argitaratzen paperezko edota online edizioetan. Irakurle batzuek nahiagoko dute paperekoa; beste batzuek, aldiz, online dena. Hemen baina, garrantzitsuena da albiste horiek guganaino heltzea, iturria edozein izanda ere.
Comentarios
Publicar un comentario